चन्द्रमा लाई
जर्जियन: शोशेलो(जोसेफ स्टालिन)
अनुवादित : २०२२ - ०२-२३
तिमी नथाकी हिँड है ,
शिर नझुकाएर
बादलको कुहिरो लाई छिचोल्दै अघि बढ
ईश्वरको साम्राज्य ठुलो छ ।
आफू मुनिको धर्तीलाई हेर
अनि मुसुक्क मुस्कुराऊ,
आकाशमा झोलुङ्गो टाँगेर बसेको
हिमचुलीलाई लोरी सुनाऊ।
निश्चिन्त भएर बस तिमी
एकदिन उत्पीडन मा परेर जमीन मुनि धसीएको पनि
आशाको जगमा माथि उठ्ने छ
अनि त्यो हिमाल चढ्ने तागत राख्ने छ ।
सधैँ भरि चम्किराख है तिमी प्यारी सुन्दरी,
पहिले जसरी नै बादलको बिच बाट पनि
नीलो गगनबाट सधैँ भारी
त्यो मिठो मुस्कान छरी राख ।
म मेरो नाङ्गो छाती
चौडा पारेर ,
दुवै हात खोलेर,
गीत गाउने छु म तिम्रो लागी ।
चन्द्रमाको महिमाका लागी ।
0 Comments